Tatoos da Galicia

  • Descripción
  • Comentarios

Esta é umha atividade que procura a tua ajuda para completar um projeto de participaçom social e normalizaçom lingüística. Somos o Clube da Língua, queremos editar um livro fermoso e justo, formamos parte do movimento social galego, nom temos ánimo de lucro, e fazemos isto porque pensamos que o projeto pode aportar energia positiva ao proceso de normalizaçom do nosso idioma.

Quen é o Clube da Língua?

O Clube da Lingua é o nome informal do Equipo de Normalizaçom do IES Marco do Cambalhom de Vila de Cruzes, Pontevedra. O Clube da Língua está formado por profes, alunado e outros membros da comunidade escolar e extraescolar. Fazemos atividades para promocionar o uso normalizado da nossa língua no nosso centro e mais alá. Porque em Vila de Cruzes estamos orgulhos@s do nosso idioma.

Que é “Tattoos da Galiza”?

A princípios do curso o Clube da Língua lançou á rede social um Concurso: “Galiza, à flor de pel” O nosso objetivo: conseguir fotos de tatuages em galego ou de tema galego e comparti-las na rede social. Durante um mes muita gente boa e generosa participou e ajudou na difusióm do projeto e receberom-se mais de 160 fotos de tattoos.

Entre muita gente conseguiu-se fazer visível umha coleçom de fotos de tatoos esteticamente mui fermosa e eticamente vinculada a princípios de justiça social. Toda umha obra de arte e de comunicaçom coletiva fruto dum proceso de participaçom social intenso e cheio de emoçons.

Da rede social virtual ao papel

Os tattoos que fomos reunindo estám no nosso blogue www.blogoteca.com/tattoosdagaliza.

E agora, com este micromecenado, com a tua ajuda, vamos intentar conseguir um dos objetivos deste projeto: editar um livro em papel com as tatuages que se reunirom.

Um livro a cor com mais de 160 fotos de tattoos em galego e de tema galego.

Será o primeiro livro sobre tattoos da Galiza, mas é muito mais: é um livro que vincula a nossa língua e a nossa identidade com a modernidade, a vangarda, o desenho gráfico e a gente nova.

Será um livro que reúne tattoos que nacerom na intimidade e no persoal e se figerom públicos e agora podem formar parte do imaginário coletivo.

Será um livro com diversos textos de contidos vários: sociolingüística, antropologia, desenho gráfico, participaçom social…

Será um livro de qualidade e com um interessante valor histórico.

Sem ánimo de lucro

O Clube da Língua fai as atividades que fai porque é umha obriga dos Equipos de Normalizaçom Lingüística dos centros de ensino trabalhar a favor da normalidade social da nossa língua. E porque pensamos que promover a nossa língua é umha questiom de responsabilidade cidadá.

Ademais, desde o nosso IES trabalhamos a favor da língua porque si, porque nos peta e nos dá a gana, dia a dia, e porque pensamos que para reverter e melhorar a situaçom social da nossa língua devemos promover a participaçon direta.

Assi que esta, como todos os nossos projetos, é umha atividade sem ánimo de lucro. A nossa finalidade é educativa e para a transformaçom social.

A que destinaremos as vossas achegas

O dinheiro destinara-se a sufragar os gastos próprios da ediçom do livro em papel: maquetaçom, desenho das cubertas, impresom, envio postal…

À parte, como forma de ativismo social, tamén faremos a promoçom do livro nas principais redes sociais (Facebook, Twitter, Youtube) em blogues e jornais digitais.

E porque somos parte do Movimento Social em Defensa da Língua Galega, compartiremos este projeto em rede, horizontalmente, desde, com, para, da mao do ativismo social do que formamos parte.

Em colaboraçom coa Biblioteca

O grupo de trabalho da Biblioteca do nosso IES Marco do Cambalhom é mui trabalhador e criativo e forma parte deste projeto que tamem e é um projeto de animaçom à leitura, entre outras cousas. Porque os livros fam de nos persoas mais livres, divertidas e felizes, “Tattoos da Galiza” tamém será um dos livros mais valiosos das nossas bibliotecas.

Esta é umha atividade que procura a tua ajuda para completar um projeto de participaçom social e normalizaçom lingüística.

This is a unique website which will require a more modern browser to work!

Please upgrade today!